"Region TV" və "Türkel TV"-nin müraciətləri əsasında onların lisenziyaları "ARB 24" MMC-nin adına rəsmiləşdirildi.

27 dekabr 2018-ci il tarixdə Milli Televiziya və Radio Şurasının növbəti iclası keçirilmişdir.

İclasda "Türkel TV" MMC-yə regional televiziya yayımı üçün (Tovuz rayonu) verilmiş lisenziyanın qüvvəsinə "Türkel TV" MMC-nin rəsmi müraciəti əsasında xitam verilməsi barədə qərar qəbul edilmişdir.

Eyni zamanda, iclasda hüquqi şəxsin yenidən təşkil edilməsi ilə əlaqədar olaraq "Region TV” MMC-yə ümumrespublika televiziya yayımı üçün verilmiş 14 mart 2014-cü il tarixli və "Türkel TV" MMC-yə ümumrespublika televiziya yayımı (xəbər) üçün verilmiş 28 dekabr 2017-ci il tarixli lisenziyaların "ARB 24" MMC-nin adına rəsmiləşdirilməsi barədə qərar qəbul edilmişdir.