Aparatın rəhbəri

FAZİL NOVRUZOV

1975-ci ildə Bakı şəhərində anadan olmuşdur.

1992-1997-ci illərdə Bakı Dövlət Universitetinin Şərqşünaslıq fakültəsində ərəb dili və filologiyası ixtisası üzrə təhsil almışdır.

1997-1998-ci illərdə Birləşmiş Ərəb Əmirliklərində, daha sonra isə Azərbaycanda (1998-2011-ci illər) bir sıra şirkətlərdə müxtəlif vəzifələrdə çalışmışdır.

2011-ci ildən dövlət qulluğuna qəbul olunaraq Azərbaycan Respublikası Audiovizual Şurasında (o zaman Milli Televiziya və Radio Şurası) beynəlxalq əlaqələr üzrə məsləhətçi, daha sonra isə aparıcı məsləhətçi vəzifələrində işləmişdir.

2019-2020-ci illərdə Azərbaycan Respublikası Audiovizual Şurası sədrinin müşaviri kimi fəaliyyət göstərmişdir.

2020-ci ilin sentyabr ayında Azərbaycan Respublikası Audiovizual Şurası aparatının rəhbəri vəzifəsinə təyin olunmuşdur.

Dövlət qulluğunun baş müşaviridir.

İngilis, rus və ərəb dillərini bilir.

Ailəlidir, 3 övladı var.